Loahppaduođaštusportála birra

Loahppaduođaštusportála lea norgalaš portála man Unit - Alit oahpu ja dutkama DGT ja oktasašbálvalusaid direktoráhtta (ovdalaš CERES) lea ovdánahttán Máhttodepartemeantta bargogohččuma vuođul.

Loahppaduođaštusportála ulbmil lea ráhkadit bálvalusa masa fitnodagat ja almmolaš etáhtat sáhttet luohttit, gos bohtosiid eaiggát álkit sáhttá čalmmustahttit iežas bohtosiid fitnodagaide ja etáhtaide. Loahppaduođaštusportála viežžá oahpahusbohtosiid, namalassii olahuvvon grádaid ja árvosániid, ja dahká sutnje geas leat bohtosat vejolažžan ieš juogadit dáid vuostáiváldiiguin geaid ieš vállje. Loahppaduođaštusportála váldogeavaheaddjit leat, daid lassin geaidda bohtosat gullet, bargoaddit, oahpahusásahusat ja vejolaš earát geain lea dárbu oaidnit dáid bohtosiid.

Láhkaásahus

Láhkaásahus Nationala loahppaduođaštus- ja árvosátneportála birra

Historihkka

USIT Oslo Universitehtas oaččui 2011:s bargogohččuma Máhttodepartemeanttas ovdánahttit spesifikašuvnna nationála loahppaduođaštusportálii. Dát bargogohččun addui dievasmahtti juolludusreive bokte 06.12.2011. Dalle ásahuvvui sierra joavku ráhkadan dihte spesifikašuvnna dakkár bálvalussii mii galggai dahkat vejolažžan juogadit bohtosiid OS-ásahusain (dárog. FS) digitálalaččat. Lei Geir M. Vangen gii jođihii dán joavkku. Spesifikašuvdna geigejuvvui MD: ođđajagimánus 2013:s ja ovdánahttinbargu álggahuvvui 2015:s (2016:s ruhtadii Máhttodepartemeantta prošeavtta ollislaččat). Loahppaduođaštusportála vuosttaš veršuvdna biddjui buvttadussii 2017 ođđajagimánu.

Riikkaidgaskasaš ovttasbargu

Loahppaduođaštusportála lea ovdánahtton ovttas Erasmus+ prošeavttain EMREX. EMREX-fierpmádaga bokte sáhttet studeanttat geat leat leamaš lonohallamis váldit iežaset bohtosiid ruoktut ruovttuásahussii.

Publisert 20. okt. 2020 14:41 - Sist endret 20. okt. 2020 15:00