Dávjá jerrojuvvon jearaldagat

Lean rievdadan nama maŋŋá go studerejin. Guđemuš namma čájehuvvo Loahppaduođaštusportálas?

Vástádus: Loahppaduođaštusportála viežžá du nama Álbmotregistaris. Loahppaduođaštusportálas čájehuvvo danne dat namma mainna leat registrerejuvvon Álbmotregistaris. Jus it leat registrerejuvvon Álbmotregistarii čájehuvvo dat namma mainna leat registrerejuvvon FEIDEi/oahppobáikái.

Oahppobáikkis gos lean studeren ii leat rivttes namma. Manne ii?

Vástádus: Eanaš oahpahusásahusat leat rievdadan nama dahje ovttastuhtton áiggi mielde. Bohtosat Loahppaduođaštusportálas čájehuvvojit váldonjuolggaduslažžan dainna namain mii oahpahusásahusas lea dál. Bohtosat mat leat olahuvvon ásahusain, mat leat rievdadan nama dahje ovttastuhtton maŋŋá 2010, leat merkejuvvon dainna namain mii ásahusas lei dalle go olahit bohtosa. 

Mana Máhttodepartemeanta oppalašlistui mas oainnát ođđaseamos ovttastuhttimiid, doppe leat eanet dieđut.

Čuožžu ahte Loahppaduođaštusportála "Ii nagodan viežžat dieđuid" oahppobáikkis. Maid dat mearkkaša?

Vástádus: Lea eanemus jáhkehahtti ahte guoskevaš oahppobáikkis leat bargamin mainna nu diehtovuođus. Geahččal fas moatti beaivvi geahčen.

Mu dieđut Loahppaduođaštusas leat váilevaččat/eai leat riekta. Maid galggan dahkat?

Vástádus: Váldde oktavuođa oahpahusásahusain gos leat studeren.

Fuomáš ahte bohtosat ovdakurssain eai čájehuvvo Loahppaduođaštusportálas.

Ozan barggu rekrutterenvuogádaga bokte, muhto mus ii leat vejolašvuohta sirdit bohtosiid Loahppaduođaštusportálas. Manne ii?

Vástádus: Buohkain geain lea rekrutterenvuogádatfálaldat lea vejolašvuohta laktit iežas vuogádaga Loahppaduođaštusportálii. Dát gáibida gal veahá barggu ja teknihkalaš heivehemiid. Buohkain geat fállet rekrutterenvuogádagaid ii leat leamaš vejolašvuohta dahkat dárbbašlaš ovdánahttimiid vai dát lea vejolaš.

Maid mearkkaša dat ahte PDF lea digitálalaččat vuolláičállon?

Vástádus: Buot PDF:t Loahppaduođaštusportálas leat digitálalaččat vuolláičállon. Dat mearkkaša ahte jus soamis geahččala rievdadit PDF, de dalán rievdá digitála vuolláičála eahpegustojeaddjin. Iskan dihte leago vuolláičála ollis, ávžžuhat mii ahte Adobe Acrobat Reader geavahuvvo. "Báddi" alit duogáža vuostá mas leat dieđut vuolláičállaga gustovašvuođa birra čájehuvvo dalle bajimusas šearbmagovas. Fuomáš ahte lea dušše vejolaš verifiseret PDF álgovuolggalaš elektronalaš hámis. Jus dokumeanta čálihuvvo olggos de ii leat šat vejolaš verifiseret vuolláičállaga. Loga eanet vuolláičállima birra.

Maŋŋágo juogadin iežan bohtosiid, lean ožžon ođđa bohtosiid. Oažžugo vuostáiváldi daid automáhtalaččat?

Vástádus: Ii, vuostáiváldi oažžu justa daid bohtosiid maid válljet juogadin suinna. Jus háliidat ahte vuostáiváldi galgá oažžut daid ođđa bohtosiid fertet sáddet sutnje ođđa liŋkka.

Publisert 20. okt. 2020 14:41 - Sist endret 29. okt. 2020 13:14