Digitála vuolláičállaga verifiseren

Lea vejolaš viežžat digitálalaččat vuolláičállon PDF Loahppaduođaštusportálas mas lea oppalašgovva iežas oahppobohtosiin.

Maid mearkkaša ahte dokumeanta lea digitálalaččat vuolláičállon?

Jus soamis geahččala rievdadit sisdoalu PDF:s mii lea digitálalaččat vuolláičállon, de dalán rievdá digitála vuolláičála eahpegustojeaddjin. Vuostáiváldi ferte verifiseret digitála vuolláičállaga vai lea sihkkar ahte das lea rivttes sisdoallu.

Mo dárkkistan digitála vuolláičállaga?

Eanaš neahttalohkkit eai čájet dieđuid digitála vuolláičállagiid birra. Mii ávžžuhat danne geavahit Adobe Acrobat Reader (sáhttá vižžojuvvot dihtorii nuvttá) dárkkistan dihte leago vuolláičála ollislaš. "Báddi" alit duogáža vuostá mas leat dieđut vuolláičállaga gustovašvuođa birra čájehuvvo dalle bajimusas šearbmagovas. Jus deaddilat dan alit "bátti" de oainnát ahte lea Unit (Alit oahpu ja dutkama DGT ja oktasašbálvalusaid direktoráhtta) mii lea čađahan vuolláičállaga.

Bilde som viser hvordan det blå båndet angir gyldig signatur
Alit báddi muitala ahte lea gustovaš vuolláičála

Fuomáš ahte lea dušše vejolaš verifiseret PDF álgovuolggalaš elektronalaš hámis. Jus dokumeanta čállojuvvo olggos de ii leat šat vejolaš verifiseret vuolláičállaga.

PDF:s oidno vuolláičálagovva PDF vuosttaš siiddus. Dát gusto olles dokumentii.

Bilde som viser hvordan seglet angir gyldig signatur
Mearka muitala ahte lea gustovaš vuolláičála

Hástalusat verifiseret vuolláičállaga?

Ii leat vejolaš verifiseret digitálalaččat vuolláičállon PDF mobiillain. Mii ávžžuhat danne ahte verifiseret dokumeantta dihtoriin.

Muhttin geavaheaddjit vásihit ahte ožžot dieđu "Lea unnimusat okta váttisvuohta vuolláčállagiin" go geahččalit verifiseret digitálalaččat vuolláičállon PDF. Seammás galgá ihtit gulahallanrukto mas lea jearaldat viežžat/sajáiduhttit dohkkehuvvon sertifikáhtaid. Fertet dás deaddilit OK jus háliidat ahte dihtor galgá verifiseret vuolláičállaga. Jus sáhtát válljet ahte sajáiduhtto automáhtalaččat boahtteáiggis de mii ávžžuhat du dan dahkat, dalle it dárbbaš ođđasit oažžut seamma dieđu.

Bilde av melding som gir deg mulighet til å oppdatere for klarerte sertifikater
Ođasmahttin čielggaduvvon sertifikáhtaide

Jus gulahallanrukto ii iđe automáhtalaččat (dahje leat deaddilan dan eret) sáhtát čuovvut min  geavaheaddjibagadusa ođasmahttin dihte listtu mas leat du dihtora dohkkehuvvon sertifikáhtat.

Maid mearkkaša dieđáhus "Lea unnimusat okta váttisvuohta vuolláičállagiin"?

Dieđáhus ii muital leago vuolláičála gustojeaddji vai ii. Dieđáhus geažida ahte dihtor mainna rahpá PDF ii nagot dovdat sertifikáhta mii lea geavahuvvon vuolláičállit dokumeanta dohkkehuvvon sertifikáhttan. Vai dihtor nagoda verifiseret vuolláičállaga ferte sertifikáhtta leat sierra listtus mii lea sestojuvvon dihtorii. Ođasmahttin dihte listtu sáhtát čuovvut min  geavaheaddjibagadusa ođasmahttin dihte listtu mas leat du dihtora dohkkehuvvon sertifikáhtat.

Dát bagadus lea ráhkaduvvon dutnje guhte geahččalat verifiseret digitálalaččat vuolláičállon PDF, muhto oaččut dieđáhusa "Lea unnimusat okta váttisvuohta vuolláičállagiin". Go leat čuvvon dán bagadusa galgá du dihtor nagodit verifiseret vuolláičállaga.

Raba PDF Adobe Acrobat Reader:s ja vállje "Rievdat" ("Edit") fálus bajimusas gurut bealde ja "Heivehusat" ("Preferences").

Vállje "Čielggadanmeannudeapmi" ("Trust Manager") ja deaddil "Ođasmahte dál" (merkejuvvon ruoná ruođuiguin).

 

Publisert 20. okt. 2020 14:41 - Sist endret 11. nov. 2020 15:04